جريدة أُسرة تَحيـــــا مِصـــــر

"وحشتيني"
وفقا لقواعد العشاق
 انا قلبي ليكي اشتاق
 لعنت قادر على بعد
ولا عنت قادر على فراق
انتي خلاص وحشتيني
ياعمري الجاي وسنيني
وحشتيني بكل ما فيكي
وحشني صوتك واغانيكي
مكنش حلو
 بس كان في حب ليا
حبك كان مالي الدنيا عليا
طيب فاكره
نعد ١٢٣ونبدا سوا الاغنيه
كنت بقف في النص واتلغبط
 انا من غيرك فعلا متلغبط
كنتي بتكملي كل حاجه
 واي حاجه انا من غيرك فعلا ولا
حاجه
لسه ناويه على البعد اكتر من  كده
انا بجد معنتش عارف اعيش كده
اسف بجد لما سبتك كان سوء تفاهم
 وخلاص فهمتك
عارف اني غلطان واديني رجعت  ندمان
ماانتي عارفه عقلي صغير
 وكنت في كل حاجه متحير
كنتي بتعمليني كانك امي
وانا فعلا من بعدك بقيت اُمي
 معنتش عارف معني حاجه
ديما يسئلوني عن حالي
 واكذب واقول انا كويس
 انتوا شايفني مالي !!!
انا كويس مفيش حاجه
 وكله تمام وخلاص نسيت
 ومش زعلان وانتوا عارفين
 مجرد وقت وكله بيتنسي مع الايام
بس ده كله كدب
 انا من بعدك معرفتش احب
انتي مش زي حد شوفته زمان
 قلبك بجد كان قلب إنسان
هو انا فعلا بقيت عندك ماضي وكان
 يعني خلاص حطتيني فـ ركن النسيان
طب نسيتي الحب والأمان
 يعني بجد نسيتي كل اللي كان
نيستي خوفي عليكي
واي حاجه عملتها ليكي
انا مش وحش للدرجادي
  واديني اسف وبترجاكي
سامحيني ياقمر
من بعدك طالت ليالي السهر

#مواهب_اسرة_تحيا_مصر
#اسماء_عبدالعظيم_مندور